جهة منطقة البحيرات تسمى Lake district وتقع تحديداً في منطقة كمبريا في شمال غرب انقلترا, المنطقة فيها بحيرات متعدده ومن اشهرهم بحيرة باونص و ويندرمير ( وهي اكبر بحيرة في المنطقة)

 

ويندرمير تبعد ساعتين عن مانشستر 

و٤ ساعات عن لندن

طريقة الانطلاق لها من لندن عن طريق محطة القطار euston

حجزت التذاكر عن طريق تطبيق اسمه Omio سهل جداً

لكم خيار تروحون لها عن طريق القطار من محطة يوستن,

تقدرون توصلون المحطة اما عن طريق  التاكسي او اوبر او تقدرون توصلونها بالاندرقراوند, لكن ما انصح توصلون لمحطة يوستن بالاندرقراوند اذا معاكم شنط لان فيه تنقل متعب بالشنط لكن بشكل عام سهل طريقة استخدامه وتطبيق اوميو شارح لكم كل المحطات الي تنزلون عندها بالتفصيل ( فقط تصعدون بالدرج الكهربائي وتتبعون علامة السهمين الي لونها احمر متداخله ببعضها وهي تعني محطات القطار )

تبديل المحطة اذا ركبتوا القطار بيكون تبديل واحد فقط الي هو من محطة Oxenholme Lake District الى Windermere  والتبديل سهل فقط تنتقلون للجهة المقابلة.

الخيار الثاني انكم تروحون لها باوبر لكن مكلفه اشوفها والقطار ممتع اكثر

الخيار الثالث استئجار سيارة واعتقد بيكون ممتع لكن للي ماعنده مشكلة يسوق عكس..

​

طبعاً في هذه الرحلة تشمل ويندرمير ولندن ما اخذنا سيارة ابداً واعتمدنا في المواصلات على المترو- اوبر - الباص.

​