يا اهلاً وسهلاً ,
هنا جميع مايخص رحلة روسيا بكل التفاصيل الي تحتاجونها بأذن الله .
: تتضمن
-
خط سير الرحلة واهم المدن والمناطق.
-
عن المدينه والطقس.
-
الفنادق والسكن وطريقة الحجز.
-
طريقة التنقل .
-
الاماكن السياحية واهم الفعاليات.
-
جدول لمدة 9 ايام .
ــــــــــــــــــــــــــــــــــــــــــ
الرحله كانت لمدة 10 ايام من الدمام على مطار Sheremetyevo في موسكو.
خط سير الرحله:
5 ايام موسكو - يومين منتجع باين ريفر - يومين موسكو.
وقت الرحلة كان في سبتمبر ويعتبر وقت دخول فصل الخريف, درجة الحرارة بين 7-18 درجة مئوية.
- متطلبات روسيا -
الڤيزا:
استخراج الفيزا من اسهل ما يكون عن طريق موقعهم https://evisa.kdmid.ru/
الشروط سهله وبسيطه وتطلع في 4 ايام.
بتلقون كثير مقاطع في اليوتيوب لطريقة الاستخراج وغالباً لو تأخر اصدارها تكون المشكلة في .الصورة الشخصية تكون حسب متطلباتهم الي كاتبينها في الموقع
طبعاً بحكم الوضع السياسي الي في روسيا وحربهم مع اوكرانيا كثير خدمات وشركات توقفت عنهم, منها البنوك العالمية\ الفيزا والماستر كارد, و التطبيقات المشهورة عندنا يشتغل عندهم سواء بوكينق, Air bnb , اوبر... لكن عنهم بدائل لهذي التطبيقات كلها.
السكن :
عندهم تطبيقين لحجوزات الفنادق:
Ostrovok
ZenHotels
طريقة الدفع يا نحجز الي بدون بطاقة او نتواصل مع الاوتيل ايميل ويحجزون لنا بدون دفع، زيناوتيل احياناً فيه حجوزات تتطلب بطاقة بدون سحب ودخلنا الفيزا فيها وتمموا الحجز بدون دفع ( على ان الڤيز غير مدعومه بس يكملون الحجز عادي)
السكن الثاني في مدينة فيرونا كان Residence all'Adige
نظيف ومرتب وموقعه ممتاز مطل على نهر اديجي, انصح فيه
جدول لمدة 7 ايام :
-
يوم ١: يوم الوصول, استكشاف لقرية اورتيساي, تمشيه في السنتر ( مرفقه صور له بالاسفل جميل حتى في الليل ) والعشاء في السنتر في المطعم اللذيذ الي تعشينا فيه مرتين :) mauriz keller. (افضل اطباقهم شوربتهم الخاصة, البيتزا والريزوتو). وضروري تجربون الكريب الي في السنتر.
يوم 2: فطور في الفندق او في سنتر اورتيسي في مقهى Corso طبعا مخبوزات وحلى فقط مايعترفون باطباق الفطور.
بعد الفطور التوجه بالسيارة الى بحيرة Lago de braies , بحيرة رائعة تحيطها جبال الدولوميت وفيها قوارب تجديف، الدخول لها يتطلب حجز من موقعهم الالكتروني هنا, تحتاجون حجز تذكرة باركنق للسيارة وتختلف حسب بُعد المواقف عن البحيرة اخذنا الي يبعد ٢٠٠ متر ب ١٨€ وبعدها تنزلون مشي للبحيرة ، فيها ركوب قوارب تجديف ب ٢٥€ نص ساعه, السعر ل ٤ اشخاص لكن نصيحه التجديف ممتع بس متعببب فما انصح تاخذون وقت اكثر. بعد البحيرة التوجه الى بلدة برونيكو تبعد نص ساعه عن البحيرة و ساعه عن اورتيسي, البلدة نوعاً ما اكبر من اورتيساي و السنتر فيه محلات كثيره مثل زارا ومانجو... وبعدها عشاء في مطعم pizza viva (ماجربته لكن قرأت عنه تقييمات عاليه)
يوم 3: فطور في الفندق او في سنتر اورتيساي, والانطلاق بعدها لزيارة قمة جبل
seceda وهي قمة مشهورة لهواة التزلج في الشتاء واطلالتها جميلة, فيها تلفريك في قمة الجبل مطل على القرى المقابلة (الي هي اورتيساي وسان مادلينا) سعر ركوب التلفريك ٢٥-٤٥ € للشخص. ممكن تتغدون او تحتسون القهوة على قمة الجبل. بعدها عودة لسنتر اورتيساي وقهوة او عشاء في CASCADE على الغروب و تمشيه في زقاق السنتر الجميل.
يوم 4: جدولنا كان زيارة قرية سانتا مادلينا تبعد 45د وقرية كورفارا, لكن اشوف الاماكن مكرره ولا تستاهل المشوار فممكن زيارة بلدة بولزانو بدالهم.
- فيرونا Verona -
طبعاً اتجهنا من تيرول ( اورتيساي) الى بلدة فيرونا, السبب في اختيار فيرونا قربها من فينيسيا (ساعه ونص بالسيارة) بحيث تقدرون تروحون لها وترجعون في نفس اليوم, وبرضو قربها من ميلان الي هي اخر محطة في الرحلة (تبعد عنها ساعتين بالسيارة).
بالنسبة للجو في فيرونا في شهر اغسطس يعتبر حار نسبياً بين ال 20-30 درجة ولطيف في الليل .. المدينة هذي ذكرتني شوي في الطايف ما اري ليه صراحه بس تشبه جوها وشهابة طبيعتها, اما الجو في فينيسيا كان احر ورطوبة غريبه.. بس مهما كان جوها ضروري تزورونها لو يوم لانها عجيبه.
فيرونا كانت " مسرحاً لأحداث رواية شكسبير الشهيرة "روميو وجولييت"". ولو حابين تقرأون اكثر عن فيرونا تفضلوا هذا الرابط
نرجع نستكمل الجدول لباقي الايام:
يوم 5: التوجه الى السكن في فيرونا ( بالسيارة تبعد ساعتين تقريباً), ولكم حرية الاختيار بين جدولين,
الاول: الاتجاه لبحيرة قاردا تبعد ٣٨ د عن ڤيرونا فيها قرية ليموني سول ( تشتهر بزراعة الموالح والليمون والزيتون) .
او زيارة ساحة برا Piazza Bra في الداون تاون, الساحة جميلة وممتنوعه بالمحلات وفيها براندات عالمية مثل لوي فيتون وبرادا... ممكن تتغدون اوتتعشون فيها.
برضو فيه مجمع تسوق اسمه ADIGEO, مجمع لطيف وفيه اغلب المحلات العالمية (فيه بريمارك وهذا كان هدف الزيارة صراحة).
يوم 6: يوم فينيسيا, تبعد عن فيرونا ساعه ونص بالسيارة.
طبعاً فينيسيا كلها قنوات مائية ومافيها اي سيارات تدخلها, فالسيارة بتضطرون توقفونها في مواقف سيارات بتطلعكم على الميناء تشترون منه تذاكر للفيري او الجندول (قارب خاص او تاكسي بحري) الي يوديكم لوسط فينيسيا, طبعاً اشهر محطتين هي محطة جسر الريالتو و محطة ساحة سان ماركو ممكن ينزلكم عندها.
وهذي بعض المواقف الي تقدرون توقفون سيارتكم فيها:
فينيسيا جميلة في النهار والليل فضروري تشوفونه في الوقتين, وهنا عندكم اشهر الاماكن في فينيسيا الي تستحق الزيارة:
-
Museo Correr "يعرض تاريخ وفن مدينة البندقية حيث يتخصص بالتاريخ التسلسلي لمدينة البندقية، ويعرض جميع أحداثها مكان جميل ومبنى ذو اعمدة مميزة ورائعة التصميم." التذكرة ب16$ للشخص لكن يسكر ٦م.
-
ساحة سان ماركو St. Mark's Square (قدام المتحف) ساحه مشهورة نتغدى فيها / عندها كنيسة سان ماركو. / قصر الدوج.
-
جولة بالجندول بين القنوات والمرور بجسر الريالتو.
-
وفيه اقتراح لزيارة جزيرة بورانو لكن ما زرناها ماكان فيه وقت ( تشتهر بأكثر مدينه ملونه في ايطاليا وتسمى بجزيرة الدانتيل لاشتهارها فيه) تبعد ساعه بالقارب عن فينيسيا.
-
وطبعاً الفقرة الاهم التسوق في ازقة فينيسيا تحديداً ريالتو (ملاحظة المحلات اسعارهم الدبل لانها بلدة سياح) و تجربة الجيلاتو المميز.
مطاعم مقترحه ومقاهي:
-
Gelato di Natura - San Giacomo dell'Orio محل جيلاتو وله اكثر من فرع
-
SUSO محل جيلاتو مشهور
-
مقاهي ساحة سان ماركوس (اسعارها مرتفعه لكن مكانها مميز وممتع للفرجة)
يوم 7: فطور في ELK Bakery والتوجه بعدها لملاهي قاردا لاند GardaLand, ملاهي حلوه وممتعه. تقدرون تحجزون تذاكرها من الرابط هنا.
سعر التذكرة تقريبا 39 يورو لحجوزات الاونلاين. وتختلف انواع الحجوزات حسب اذا كانت تشمل الاكواريوم او فقط البارك.